ਭਾਰਤ ਦੀ ਵਿਲੱਖਣ ਪਛਾਣ ਅਥਾਰਟੀ (ਯੂ.ਆਈ.ਡੀ.ਏ.ਆਈ.), ਖੇਤਰੀ ਦਫ਼ਤਰ ਚੰਡੀ" />
November 19, 2026 00:24:49

ਯੂ.ਆਈ.ਡੀ.ਏ.ਆਈ. ਨੇ ਸੱਤ ’ਆਧਾਰ ਸੇਵਾ ਕੇਂਦਰਾਂ’ ਰਾਹੀਂ ਪੰਜਾਬ ਭਰ ਵਿੱਚ ਆਧਾਰ ਸੇਵਾਵਾਂ ਤੱਕ ਪਹੁੰਚ ਕੀਤੀ ਮਜ਼ਬੂਤ

Nov17,2026 | Meenu Galhotra | Chandigarh

ਭਾਰਤ ਦੀ ਵਿਲੱਖਣ ਪਛਾਣ ਅਥਾਰਟੀ (ਯੂ.ਆਈ.ਡੀ.ਏ.ਆਈ.), ਖੇਤਰੀ ਦਫ਼ਤਰ ਚੰਡੀਗੜ੍ਹ ਵੱਲੋਂ ਸੂਬੇ ਭਰ ’ਚ ਸਥਿਤ ਸੱਤ ’ਆਧਾਰ ਸੇਵਾ ਕੇਂਦਰਾਂ’ ਰਾਹੀਂ ਪੰਜਾਬ ਦੇ ਵਸਨੀਕਾਂ ਨੂੰ ਸਹੂਲਤ ਦਿੱਤੀ ਜਾ ਰਹੀ ਹੈ। ਇਹ ਕੇਂਦਰ ਅੰਮ੍ਰਿਤਸਰ, ਲੁਧਿਆਣਾ, ਜਲੰਧਰ, ਹੁਸ਼ਿਆਰਪੁਰ, ਗੁਰਦਾਸਪੁਰ, ਬਠਿੰਡਾ ਅਤੇ ਪਟਿਆਲਾ ਵਿਖੇ ਸਥਿਤ ਹਨ।
ਇਸ ਬਾਰੇ ਜਾਣਕਾਰੀ ਦਿੰਦਿਆਂ, ਯੂ.ਆਈ.ਡੀ.ਏ.ਆਈ. ਦੇ ਬੁਲਾਰੇ ਨੇ ਦੱਸਿਆ ਕਿ ਇਹ ਸੱਤ ਆਧਾਰ ਸੇਵਾ ਕੇਂਦਰ ਸਬੰਧਤ ਜ਼ਿਲਿ੍ਆਂ ਅਤੇ ਨੇੜਲੇ ਇਲਾਕਿਆਂ ਦੇ ਵਸਨੀਕਾਂ ਨੂੰ ਆਸਾਨੀ ਨਾਲ ਸੇਵਾਵਾਂ ਪ੍ਰਾਪਤ ਕਰਨ ਵਿੱਚ ਮਦਦ ਕਰਦੇ ਹਨ। ਅੰਮ੍ਰਿਤਸਰ ਆਧਾਰ ਸੇਵਾ ਕੇਂਦਰ, ਪਲਾਟ ਨੰਬਰ 17, ਨਵਜੋਤ ਪਬਲਿਕ ਸਕੂਲ ਦੇ ਨੇੜੇ, ਬਟਾਲਾ ਰੋਡ, ਅੰਮ੍ਰਿਤਸਰ, ਪੰਜਾਬ – 143001 ਵਿਖੇ ਸਥਿਤ ਹੈ।
ਜਦਕਿ ਲੁਧਿਆਣਾ ਆਧਾਰ ਸੇਵਾ ਕੇਂਦਰ, ਗਰਾਊਂਡ ਫਲੋਰ, 3268/700, ਚੇਤ ਸਿੰਘ ਨਗਰ, ਗਰੇਵਾਲ ਹਸਪਤਾਲ ਦੇ ਸਾਹਮਣੇ, ਮੇਨ ਗਿੱਲ ਰੋਡ, ਲੁਧਿਆਣਾ, ਪੰਜਾਬ – 141003 ਵਿਖੇ ਸਥਿਤ ਹੈ। ਜਲੰਧਰ ਆਧਾਰ ਸੇਵਾ ਕੇਂਦਰ, ਗਰਾਊਂਡ ਫਲੋਰ, ਦੁਕਾਨ ਨੰਬਰ 2, ਐਪੈਕਸ ਟਾਵਰ, ਹੋਟਲ ਰੈਜ਼ੀਡੈਂਸੀ ਦੇ ਸਾਹਮਣੇ, ਬੱਸ ਸਟੈਂਡ ਦੇ ਨੇੜੇ, ਜਲੰਧਰ, ਪੰਜਾਬ – 144001 ਵਿਖੇ ਸਥਿਤ ਹੈ। ਹੁਸ਼ਿਆਰਪੁਰ ਆਧਾਰ ਸੇਵਾ ਕੇਂਦਰ, 8, ਗਰਾਊਂਡ ਫਲੋਰ, ਜੇ.ਪੀ. ਕਮਰਸ਼ੀਅਲ ਕੰਪਲੈਕਸ, ਸੁਥੇਰੀ ਰੋਡ, ਮਾਨਵਤਾ ਨਗਰ, ਹੁਸ਼ਿਆਰਪੁਰ, ਪੰਜਾਬ – 146001 ਵਿਖੇ ਸਥਿਤ ਹੈ। ਗੁਰਦਾਸਪੁਰ ਆਧਾਰ ਸੇਵਾ ਕੇਂਦਰ, 104, ਵਾਰਡ ਨੰਬਰ 10, ਤ੍ਰਿਮੋ ਰੋਡ, ਸਰਕਾਰੀ ਕਾਲਜ ਦੇ ਨੇੜੇ, ਡਾ. ਬੱਬਰ ਹਸਪਤਾਲ ਦੇ ਸਾਹਮਣੇ, ਗੁਰਦਾਸਪੁਰ, ਪੰਜਾਬ – 143521 ਵਿਖੇ ਸਥਿਤ ਹੈ। ਬਠਿੰਡਾ ਆਧਾਰ ਸੇਵਾ ਕੇਂਦਰ, 21, ਗਰਾਊਂਡ ਫਲੋਰ, ਪੁੱਡਾ ਕੰਪਲੈਕਸ, 100 ਫੁੱਟੀ ਰੋਡ, ਬਠਿੰਡਾ, ਪੰਜਾਬ – 151001 ਵਿਖੇ ਸਥਿਤ ਹੈ, ਜਦੋਂ ਕਿ ਪਟਿਆਲਾ ਆਧਾਰ ਸੇਵਾ ਕੇਂਦਰ, 32, ਲੋਅਰ ਮਾਲ, ਲਾਲ ਬਾਗ ਕਲੋਨੀ, ਪਟਿਆਲਾ, ਪੰਜਾਬ – 147001 ਵਿਖੇ ਸਥਿਤ ਹੈ।
ਇਨ੍ਹਾਂ ਜ਼ਿਲਿ੍ਆਂ ਦੇ ਵਸਨੀਕ ਅਤੇ ਨੇੜਲੇ ਖੇਤਰਾਂ ਦੇ ਲੋਕ ਉਸ ਯੂ.ਆਈ.ਡੀ.ਏ.ਆਈ. ਆਧਾਰ ਸੇਵਾ ਕੇਂਦਰ ’ਤੇ ਜਾ ਕੇ ਸੇਵਾਵਾਂ ਲੈ ਸਕਦੇ ਹਨ ਜੋ ਉਨ੍ਹਾਂ ਲਈ ਸਭ ਤੋਂ ਸੁਵਿਧਾਜਨਕ ਹੈ। ਇਹ ਕੇਂਦਰ ਆਧਾਰ ਨਾਲ ਸਬੰਧਤ ਸੇਵਾਵਾਂ ਲਈ ਵਾਧੂ ਸਹੂਲਤ ਪ੍ਰਦਾਨ ਕਰਦੇ ਹਨ, ਜਿਸ ਨਾਲ ਨਾਗਰਿਕਾਂ ਨੂੰ ਖੇਤਰੀ ਦਫ਼ਤਰ, ਚੰਡੀਗੜ੍ਹ ਜਾਣ ਦੀ ਥਾਂ ਰੋਜ਼ਮੱਰਾ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਵਿੱਚ ਮਦਦ ਮਿਲ ਰਹੀ ਹੈ। ਇਹ ਕੇਂਦਰ ਲੋਕਾਂ ਲਈ ਉਪਲਬਧ ਹੋਰ ਆਧਾਰ ਨਾਮਾਂਕਣ ਅਤੇ ਅੱਪਡੇਟ ਕੇਂਦਰਾਂ ਦਾ ਬਦਲ ਨਹੀਂ ਹਨ।
ਆਧਾਰ ਸੇਵਾ ਕੇਂਦਰ ਕਈ ਤਰ੍ਹਾਂ ਦੀਆਂ ਆਧਾਰ ਸੇਵਾਵਾਂ ਪ੍ਰਦਾਨ ਕਰਦੇ ਹਨ, ਜਿਸ ਵਿੱਚ ਨਵਾਂ ਆਧਾਰ ਨਾਮਾਂਕਣ, ਜਨਸੰਖਿਆ ਅੱਪਡੇਟ ਜਿਵੇਂ ਕਿ ਨਾਮ, ਪਤਾ, ਜਨਮ ਮਿਤੀ ਅਤੇ ਲਿੰਗ ਸਬੰਧੀ ਵੇਰਵਿਆਂ ਵਿੱਚ ਤਬਦੀਲੀਆਂ, ਬਾਇਓਮੈਟ੍ਰਿਕ ਅੱਪਡੇਟ ਅਤੇ ਯੂ.ਆਈ.ਡੀ.ਏ.ਆਈ. ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਹੋਰ ਸੇਵਾਵਾਂ ਸ਼ਾਮਿਲ ਹਨ।
ਨਵਾਂ ਆਧਾਰ ਨਾਮਾਂਕਣ ਮੁਫ਼ਤ ਹੈ, ਜਦੋਂ ਕਿ ਹੋਰ ਸੇਵਾਵਾਂ ਲਈ ਖਰਚੇ, ਜਿੱਥੇ ਵੀ ਲਾਗੂ ਹੋਣ, ਯੂ.ਆਈ.ਡੀ.ਏ.ਆਈ. ਵੱਲੋਂ ਨਿਰਧਾਰਤ ਕੀਤੇ ਗਏ ਹਨ। ਕੇਂਦਰਾਂ ਦਾ ਉਦੇਸ਼ ਬੱਚਿਆਂ, ਬਜ਼ੁਰਗ ਨਾਗਰਿਕਾਂ ਅਤੇ ਦਿਵਯਾਂਗਜਨਾਂ ਸਮੇਤ ਹਰੇਕ ਉਮਰ ਵਰਗ ਦੇ ਨਾਗਰਿਕਾਂ ਲਈ ਇੱਕ ਪਹੁੰਚਯੋਗ, ਸਮਾਵੇਸ਼ੀ ਅਤੇ ਸੁਖਾਵਾਂ ਮਾਹੌਲ ਪ੍ਰਦਾਨ ਕਰਨਾ ਹੈ। ਲੋਕ ਆਧਾਰ ਸੇਵਾ ਕੇਂਦਰ ’ਤੇ ਉਪਲਬਧ ਆਧਾਰ ਸੇਵਾਵਾਂ ਦਾ ਲਾਭ ਉਠਾ ਸਕਦੇ ਹਨ , ਇਸ ਨਾਲ ਪੰਜਾਬ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਆਧਾਰ ਸਬੰਧੀ ਸਹੂਲਤਾਂ ਲੈਣ ਵਿੱਚ ਸੁਧਾਰ ਹੋ ਰਿਹਾ ਹੈ।
ਜਿਨ੍ਹਾਂ ਨਾਗਰਿਕਾਂ ਨੂੰ ਖਾਸ ਤੌਰ ’ਤੇ ਯੂ.ਆਈ.ਡੀ.ਏ.ਆਈ. ਖੇਤਰੀ ਦਫ਼ਤਰ, ਚੰਡੀਗੜ੍ਹ ਜਾਣ ਦੀ ਜ਼ਰੂਰਤ ਹੈ, ਉਨ੍ਹਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਅਪੁਆਇੰਟਮੈਂਟ ਪੋਰਟਲ: https://sewa.uidai.gov.in ਰਾਹੀਂ 10 ਤੋਂ 15 ਦਿਨ ਪਹਿਲਾਂ ਆਪਣੀ ਅਪੁਆਇੰਟਮੈਂਟ ਬੁੱਕ ਕਰ ਸਕਦੇ ਹਨ। ਐਡਵਾਂਸ ਬੁਕਿੰਗ ਨਾਲ ਨਾਗਰਿਕਾਂ ਨੂੰ ਬੇਲੋੜੀ ਖੱਜਲ-ਖੁਆਰੀ ਤੋਂ ਬਚਣ ਵਿੱਚ ਮਦਦ ਮਿਲੇਗੀ।
ਇਸ ਪਹਿਲਕਦਮੀ ਰਾਹੀਂ ਯੂ.ਆਈ.ਡੀ.ਏ.ਆਈ. ਖੇਤਰੀ ਦਫ਼ਤਰ ਚੰਡੀਗੜ੍ਹ ਵੱਲੋਂ ਨਾਗਰਿਕ-ਕੇਂਦ੍ਰਿਤ ਸੇਵਾ ਪ੍ਰਦਾਨ ਕਰਨ ਪ੍ਰਤੀ ਆਪਣੀ ਵਚਨਬੱਧਤਾ ਦੁਹਰਾਉਂਦਿਆਂ ਲੋਕਾਂ ਲਈ ਆਸਾਨ ਪਹੁੰਚ, ਸਮਾਵੇਸ਼ੀ ਢੰਗ ਨਾਲ ਸਹੂਲਤ ਪ੍ਰਦਾਨ ਕਰਨ ’ਤੇ ਧਿਆਨ ਕੇਂਦਰਿਤ ਕੀਤਾ ਗਿਆ ਹੈ। ਇਸ ਉਪਰਾਲੇ ਦੇ ਉਦੇਸ਼ ਲੋਕਾਂ ਨੂੰ ਨਿਯਮਿਤ ਰੂਪ ਵਿੱਚ ਸੇਵਾ ਕੇਂਦਰ ’ਤੇ ਆਧਾਰ-ਸਬੰਧੀ ਸੇਵਾਵਾਂ ਪ੍ਰਦਾਨ ਕਰਨ ਵਿੱਚ ਮਦਦ ਕਰਨਾ ਅਤੇ ਬੇਵਜਾ ਖੇਤਰੀ ਦਫ਼ਤਰ ਜਾਣ ਤੋਂ ਬਚਾਉਣਾ ਹੈ।

Uidai-Strengthens-Aadhaar-Service-Accessibility-Across-Punjab-Through-Seven-Aadhaar-Seva-Kendras


About Us


PunjabAMPM is an English, Hindi and Punjabi language news paper as well as web portal. Since its launch, PunjabAMPM has created a niche for itself for true and fast reporting among its readers in India.

Meenu Galhotra (Editor)

We are Social


Address


PunjabAMPM
House no 3, street no 1, New Aggar Nagar, behind mediways hospital, Ferozepur road Ludhiana 141001
Mobile: +91 98769 60522
Email: punjabampm0161@gmail.com

Copyright Punjab AMPM | 2023
Website by: Webhead ↑