ਸਲਮਾਨ ਦੇ ਘਰ ਹੋਈ ਆਮਿਰ ਦੀ ਬੇਟੀ ਦੀ ਮਹਿੰਦੀ ਦੀ ਰਸਮ, ਅੱਜ ਹੋਵੇਗਾ ਵਿਆਹ
Mehndi ceremony of Aamir's daughter took place at Salman's house, marriage will take place today
Jan3,2024 | Abhi Kandiyara |ਫਿਲਮ ਐਕਟਰ ਆਮਿਰ ਖਾਨ ਦੀ ਬੇਟੀ ਆਇਰਾ ਖਾਨ ਦਾ ਅੱਜ ਵਿਆਹ ਹੋਣ ਜਾ ਰਿਹਾ ਹੈ। ਆਇਰਾ ਅਤੇ ਨੂਪੁਰ ਸ਼ਿਖਾਰੇ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ ਚੱਲ ਰਹੇ ਹਨ। ਹਾਲ ਹੀ 'ਚ ਫਿਲਮ ਸਟਾਰ ਸਲਮਾਨ ਖਾਨ ਦੇ ਘਰ ਨੂਪੁਰ ਅਤੇ ਆਇਰਾ ਦੇ ਵਿਆਹ ਦੀ ਹਲਦੀ ਸਮਾਰੋਹ ਆਯੋਜਿਤ ਕੀਤਾ ਗਿਆ ਸੀ। ਇਸ ਪ੍ਰੋਗਰਾਮ 'ਚ ਆਮਿਰ ਖਾਨ ਦੀਆਂ ਦੋਵੇਂ ਸਾਬਕਾ ਪਤਨੀਆਂ ਰੀਨਾ ਦੱਤਾ ਅਤੇ ਕਿਰਨ ਰਾਓ ਨੇ ਸ਼ਿਰਕਤ ਕੀਤੀ।
ਮੰਗਲਵਾਰ ਦੁਪਹਿਰ ਨੂਪੁਰ ਸ਼ਿਖਰ ਦੀ ਹਲਦੀ ਸੈਰੇਮਨੀ ਤੋਂ ਬਾਅਦ ਦੇਰ ਰਾਤ ਆਇਰਾ ਖਾਨ ਦੀ ਮਹਿੰਦੀ ਦੀ ਰਸਮ ਦਾ ਆਯੋਜਨ ਕੀਤਾ ਗਿਆ। ਉਸਦੀ ਮਹਿੰਦੀ ਦੀ ਰਸਮ ਆਮਿਰ ਖਾਨ ਜਾਂ ਨੂਪੁਰ ਦੇ ਘਰ ਨਹੀਂ ਬਲਕਿ ਸਲਮਾਨ ਖਾਨ ਦੇ ਘਰ ਹੋਈ ਸੀ। ਸਲਮਾਨ ਦੇ 'ਗੈਲੇਕਸੀ ਅਪਾਰਟਮੈਂਟ' ਨੂੰ ਖਾਸ ਤੌਰ 'ਤੇ ਆਇਰਾ ਦੀ ਮਹਿੰਦੀ ਸੈਰੇਮਨੀ ਲਈ ਸਜਾਇਆ ਗਿਆ ਸੀ। ਆਮਿਰ ਦੀ ਬੇਟੀ ਆਇਰਾ ਖਾਨ 3 ਜਨਵਰੀ 2024 ਨੂੰ ਆਪਣੇ ਬੁਆਏਫ੍ਰੈਂਡ ਨੂਪੁਰ ਸ਼ਿਖਰ ਨਾਲ ਵਿਆਹ ਕਰੇਗੀ। ਆਮਿਰ ਖਾਨ ਆਪਣੇ ਬੇਟੇ ਜੁਨੈਦ ਅਤੇ ਆਜ਼ਾਦ ਨਾਲ ਆਪਣੀ ਲਾਡਲੀ ਬੇਟੀ ਦੀ ਮਹਿੰਦੀ ਦੀ ਰਸਮ ਲਈ ਸਲਮਾਨ ਖਾਨ ਦੇ ਘਰ ਪਹੁੰਚੇ। ਆਮਿਰ ਖਾਨ ਦੀਆਂ ਸਾਬਕਾ ਪਤਨੀਆਂ ਰੀਨਾ ਦੱਤਾ ਅਤੇ ਕਿਰਨ ਰਾਓ ਨੇ ਵੀ ਸ਼ਿਰਕਤ ਕੀਤੀ। ਆਮਿਰ ਅਤੇ ਸਲਮਾਨ ਬਹੁਤ ਚੰਗੇ ਦੋਸਤ ਹਨ। ਇਸ ਲਈ ਸਲਮਾਨ ਦੇ ਘਰ ਆਮਿਰ ਦੀ ਬੇਟੀ ਦੀ ਮਹਿੰਦੀ ਸੈਰੇਮਨੀ ਦਾ ਆਯੋਜਨ ਕੀਤਾ ਗਿਆ।
ਜ਼ਿਕਰਯੋਗ ਹੈ ਕਿ ਆਮਿਰ ਖਾਨ ਦੀ ਬੇਟੀ ਆਇਰਾ ਖਾਨ ਅਤੇ ਨੂਪੁਰ ਸ਼ਿਖਰੇ ਦਾ ਵਿਆਹ ਅੱਜ ਮੁੰਬਈ ਦੇ ਤਾਜ ਲੈਂਡਸ ਐਂਡ ਹੋਟਲ 'ਚ ਹੋਵੇਗਾ। ਇਸ ਤੋਂ ਬਾਅਦ ਰਿਸੈਪਸ਼ਨ ਦਾ ਆਯੋਜਨ ਕੀਤਾ ਜਾਵੇਗਾ। ਉਨ੍ਹਾਂ ਦੇ ਰਿਸੈਪਸ਼ਨ 'ਚ ਬਾਲੀਵੁੱਡ ਦੀਆਂ ਕਈ ਮਸ਼ਹੂਰ ਹਸਤੀਆਂ ਸ਼ਾਮਲ ਹੋਣਗੀਆਂ।
Mehndi-Ceremony-Of-Aamir-s-Daughter-Took-Place-At-Salman-s-House-Marriage-Will-Take-Place-Today
