ਬਾਕਸ ਆਫਿਸ 'ਤੇ ਫਾਈਟਰ ਦੀ ਜ਼ਬਰਦਸਤ ਸ਼ੁਰੂਆਤ
Fighter's strong debut at the box office
Jan26,2024 | Abhi Kandiyara |ਰਿਤਿਕ ਰੋਸ਼ਨ, ਦੀਪਿਕਾ ਪਾਦੁਕੋਣ ਅਤੇ ਅਨਿਲ ਕਪੂਰ ਸਟਾਰਰ ਫਿਲਮ ''ਫਾਈਟਰ'' ਵੀਰਵਾਰ, 25 ਜਨਵਰੀ ਨੂੰ ਰਿਲੀਜ਼ ਹੋਈ। ਫਿਲਮ ਦਾ ਨਿਰਦੇਸ਼ਨ ਸ਼ਾਹਰੁਖ ਖਾਨ ਦੀ ਬਲਾਕਬਸਟਰ ਫਿਲਮ ''ਪਠਾਨ'' ਦੇ ਨਿਰਦੇਸ਼ਕ ਸਿਧਾਰਥ ਆਨੰਦ ਨੇ ਕੀਤਾ ਹੈ। ਇਹ ਫਿਲਮ ਪਿਛਲੇ ਕੁਝ ਦਿਨਾਂ ਤੋਂ ਸੁਰਖੀਆਂ 'ਚ ਸੀ। ਆਖਿਰਕਾਰ ਫਿਲਮ ਰਿਲੀਜ਼ ਹੋ ਗਈ ਹੈ ਅਤੇ ਇਸ ਦੇ ਪਹਿਲੇ ਦਿਨ ਦੇ ਅੰਕੜੇ ਸਾਹਮਣੇ ਆ ਗਏ ਹਨ। 'ਫਾਈਟਰ' ਪਹਿਲੇ ਦਿਨ 'ਪਠਾਨ' ਜਿੰਨੀ ਕਮਾਈ ਨਹੀਂ ਕਰ ਸਕਿਆ। 'ਸੈਕਨਿਲਕ' ਦੀ ਰਿਪੋਰਟ ਮੁਤਾਬਕ ਫਾਈਟਰ ਨੇ ਬਾਕਸ ਆਫਿਸ 'ਤੇ ਸਾਰੀਆਂ ਭਾਸ਼ਾਵਾਂ 'ਚ ਪਹਿਲੇ ਦਿਨ 22 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਛੁੱਟੀਆਂ ਨਾ ਹੋਣ ਦੇ ਬਾਵਜੂਦ ਫਿਲਮ ਨੇ ਚੰਗੀ ਕਮਾਈ ਕੀਤੀ ਹੈ। ਅੱਜ, ਸ਼ੁੱਕਰਵਾਰ, 26 ਜਨਵਰੀ ਨੂੰ ਛੁੱਟੀ ਹੈ ਅਤੇ ਅਗਲੇ ਦੋ ਦਿਨ ਵੀਕਐਂਡ ਹਨ। ਫਿਲਮ ਨੂੰ ਲਗਾਤਾਰ ਤਿੰਨ ਦਿਨ ਦੀ ਛੁੱਟੀ ਦਾ ਫਾਇਦਾ ਹੋ ਸਕਦਾ ਹੈ ਅਤੇ ਇਸਦੀ ਕਮਾਈ ਹੋਰ ਵਧ ਸਕਦੀ ਹੈ। ਫਾਈਟਰ ਦਾ ਓਪਨਿੰਗ ਡੇ ਕਲੈਕਸ਼ਨ ਰਿਤਿਕ ਰੋਸ਼ਨ ਦੀਆਂ ਪਿਛਲੀਆਂ ਐਕਸ਼ਨ ਫਿਲਮਾਂ 'ਵਾਰ' ਅਤੇ 'ਬੈਂਗ ਬੈਂਗ' ਤੋਂ ਘੱਟ ਹੈ। ਵਾਰ ਨੇ ਪਹਿਲੇ ਦਿਨ 53 ਕਰੋੜ ਦੀ ਕਮਾਈ ਕੀਤੀ। ਜਦੋਂ ਕਿ ਬੈਂਗ ਬੈਂਗ ਨੇ ਪਹਿਲੇ ਦਿਨ ਹੀ 27 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ। ਫਾਈਟਰ ਦੀ ਗੱਲ ਕਰੀਏ ਤਾਂ ਖਾੜੀ ਦੇਸ਼ਾਂ ਨੇ ਇਸ ਫਿਲਮ ਨੂੰ ਆਪਣੇ ਦੇਸ਼ 'ਚ ਰਿਲੀਜ਼ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਹੈ ਪਰ ਕਿਹਾ ਜਾ ਰਿਹਾ ਹੈ ਕਿ ਇਹ ਫਿਲਮ UAE 'ਚ ਰਿਲੀਜ਼ ਹੋਵੇਗੀ। ਫਿਲਮ ਫਾਈਟਰ ਦੇਸ਼ ਭਗਤੀ 'ਤੇ ਆਧਾਰਿਤ ਹੈ। ਫਿਲਮ ਵਿੱਚ 2019 ਵਿੱਚ ਕਸ਼ਮੀਰ ਵਿੱਚ ਹੋਏ ਪੁਲਵਾਮਾ ਹਮਲੇ ਅਤੇ ਉਸ ਤੋਂ ਬਾਅਦ ਭਾਰਤੀ ਹਵਾਈ ਸੈਨਾ ਦੁਆਰਾ ਕੀਤੇ ਗਏ ਹਵਾਈ ਹਮਲੇ ਦਾ ਜ਼ਿਕਰ ਹੈ। ਇਸ ਫਿਲਮ 'ਚ ਕਰਨ ਸਿੰਘ ਗਰੋਵਰ, ਅਕਸ਼ੇ ਓਬਰਾਏ, ਤਲਤ ਅਜ਼ੀਜ਼ ਅਹਿਮ ਭੂਮਿਕਾਵਾਂ ਨਿਭਾਅ ਰਹੇ ਹਨ।
Fighter-s-Strong-Debut-At-The-Box-Office
Related News
